Listen Live

Fri, Sep 22, 2017 04:54:36
रोनाल्डो र मेस्सीलाई विस्थापित गर्ने तीन खेलाडी
Posted On: May 13, 2017

रोनाल्डो र मेस्सीलाई विस्थापित गर्ने तीन खेलाडी

वैशाख ३० –  चेल्सीका इडन हजार्डले विश्व फुटबलमा लियोनल मेस्सी र क्रिष्टियानो रोनाल्डोलाई विस्थापित गर्न सक्ने तीन खेलाडीको नाम लिएका छन् । गएको १० वर्षदेखि उत्कृष्ट खेलाडी अवार्डमा मेस्सी र रोनाल्डोको दबाब रहँदै आएको छ । हजार्डलाई पनि बालोन डी’ओर जित्न सक्ने क्षमताको खेलाडीको रुपमा हेरिएको छ । २६ वर्षका हजार्डले स्काई स्पोर्टससँगको कुराकानीमा उनले भने ‘एक दिन मैले पनि बालोन डी’ओर जित्छु भन्ने आशा छ, तर नजिते पनि कुनै समस्या छैन ।’ आफ्नो करिअर राम्रो बनाउन प्रयास गर्ने र अरु खेलाडी पनि त्यसका लागि तयार रहेको उनले बताए । रोनाल्डो र मेस्सी सन्यास लिएपछिका केही वर्ष उत्कृष्ट खेलाडीको होडमा नेइमार, पाउल पोग्बा र एन्टोनी ग्रिजम्यान रहने उनको भनाई छ । यस्तै अर्जेन्टिनाका पाउलो डिबाला पनि राम्रो खेलाडी रहेको हजार्डको भनाई छ । 

Comments
Up Next
विहानी सेवा शुभारम्भ,भजन ,किर्तन
Time: 05:00
Advertisement