Listen Live

Sat, Jul 22, 2017 12:23:24
Radio Seti 93.6Mhz Chainpur ,Bajhang

 

बझाङ जिल्लामा स्टेशन रहेको  ९३.६ मेघाहर्ज सेती सामुदायिक एफ.एम. महिला कल्याण बचत तथा ऋण सहकारी संस्थावाट  २०६७ सालमा  स्थापना भएको हो । प्रसारण भएदेखी यो रेडियोले विषेश गरी बझाङ जिल्लाको आर्थिक सामाजिक , सुसाशन र शशक्तिकरण विकासमा महत्वपुर्ण योगदान गर्दै आएको छ  । समाज विकासमा स्थानिय संञ्चार माध्यमहरुको महत्वपुर्ण योगदान हुने भएकाले हामीहरुले यस विषयलाई मध्यनजर गरि जिल्लाका सरकारी र गैरसरकारी निकायहरु संग समन्वय सहकार्य गरि कृषि, शिक्षा, वन, वातावरण ,महिला हिंसा न्युनिकरण जस्ता जनचेतना उत्प्रेणा र ज्ञानबर्दक मुलक कार्यक्रम उत्पादन तथा  प्रशारण गर्दै आएका छौ । एक २ नगरपालीका र १० गाउँपालिका रहेको बझाङ जिल्लामा यस एफ.एम.को नगरपालीका भित्र सहित ११ वटै गाविस र छिमेकी जिल्ला बाजुरा ,वैतडी , अछाम ,डोटी ,दाचुर्ला र डडेलधुरामा समेत यसको पहुँच रहेको छ । पछिल्लो समयमा एफ.एम.का सवै कार्यक्रम अनलाईन मार्फत सुन्ने व्यवस्था गरिएको छ । देशको बदलिदो राजनितिक अवस्था ,देशविकास , समाजसँग नजिक रही यस रेडियोले आफ्नो भुमिका शशक्त बनाउँदै आएको छ । बझाङका सवै रेडियोभन्दा फरक देखिएको यो रेडियो सधै अग्रणी नै रहनेछ ।

जिल्लाको नामाकरण

यस जिल्लाको नाम कसरी बझाङ रह्यो भन्ने सम्बन्धमा एक ऐतिहासिक रोचक कथन छ। बझाङ्गी राजाका पूर्वज रावल तथा सिंहहरूले रानाकोट चौधारी तथा ब्यासी गाविसमा पर्ने एउटा शिखरमा दरवारकोट बनाउने क्रममा त्यहाँ एउटा कालो चिल्लो दर्शनीय शिलाढुङ्गा फेला परेछ। उक्त शिलालाई त्यस कोटबाट तल खोलामा फ्याँक्दा बारम्बार साविककै ठाउमा आएर बसेको देखेपछि राजाले उक्त शिलालाई कालभैरबको रूपमा स्थापित गरी पूजा गरे। अति अग्लो उक्त कोटमा कालान्तरमा चट्याङबाट बज्र परेछ। तर कालभैरबको प्रभावले उक्त वज्र प्रभावहीन भई दरबारमा कुनै क्षति नपुगेकोले त्यस ठाँउलाई बज्रङ्ग भनिएछ। कालान्तर पछि उक्त शब्द अपभ्रंस भै बझाङ हुन गएको हो भन्ने ऐतिहासिक मान्यता रही आएको छ।

भौगोलिक अवस्थिति

  • अक्षांस: उत्तरी अक्षांस २९ डिग्री २९" देखि ३० डिग्री ९" उत्तरी अक्षांससम्म
  • सिमाना: पूर्व- बाजुरा र हुम्ला, पश्चिम- बैतडी र दार्चुला, उत्तर- हुम्ला र चीनको तिब्बत, दक्षिण- डोटी र अछाम जिल्ला
  • देशान्तर: ८० डिग्री ४६" पूर्वी देशान्तरदेखि ८१ डिग्री ३४" पूर्वी देशान्तरसम्म
  • होचो भाग: समुन्द्री सतहबाट सवैभन्दा होचो भू-भाग रायल गाविसको देउरा समुन्द्रसतहदेखि ९१५ मिटर उचाइँमा रहेको छ।
  • अग्लो भाग: सवैभन्दा उचाँईमा काडा गाविसको साइपाल हिमाल साइपाल हिमाल ७०३६ मिटरको उचाइँमा छ।
  • सदरमुकाम: चैनपुर

सूदुरपश्चिमाञ्चल विकास क्षेत्रको सेती अञ्चलमा पर्ने मनोरम जिल्ला बझाङको पूर्वमा वाजुरा र हुम्ला जिल्ला, पश्चिममा वैतडी र दार्चुला जिल्ला, उत्तरमा हुम्ला जिल्ला र चीनको स्वाशासित क्षेत्र तिब्बत, दक्षिणमा वैतडी र डोटी जिल्ला अवस्थित छन्। कूल क्षेत्रफल ३४२२ वर्ग किलोमिटर भएको यस  बझाङको नयाँ स्थानिय संरचना अनुसार काँडा गाउँपालिका थपेसँगै १० गाउँपालिका  र २ नगरपालिका भएका छन् ।

प्रमुख भाषाहरू: बझाङ्गी, नेपाली आदि
प्रमुख जातिहरू: क्षेत्री, बाहुन आदि
सबै भन्दा अग्लो स्थान: ७,०३१ मिटर
अञ्चल: सेती अञ्चल

 

 

यस जिल्लाको शैक्षिक स्थिति नियाल्दा प्रा.वि. २८२, नि.मा.वि ५५, मा.वि. ३९, उ.मा.वि. २५, क्याम्पस ५, निजीश्रोत विद्यालय ३२ तथा इङ्गलिस वोडिङ्ग स्कूल ५ रहेका छन्। यस जिल्लाको साक्षारता दर ३९ प्रतिशत छ भने वाषिर्क प्रतिव्यक्ति आय रु.४९३० रहेको छ।

No automatic alt text available.